Con data do 4 de setembro de 2012 foi subscrito nas dependencias municipais do Concello de Vigo o Convenio urbanístico de xestión para a cesión anticipada de terreos no sector de solo urbanizable delimitado S-23-R Parrocha B do PXOM de Vigo para a execución da obra de mellora e acondicionamento do acceso existente no p.q. 5+000 da autovía A-55, con expresa reserva do aproveitamento urbanístico a favor dos seus propietarios.
Unha vez subscrito, sométese ao trámite de información pública por un período mínimo de vinte días mediante a inserción dun anuncio no Diario Oficial de Galicia e nun dos xornais de maior difusión da provincia.
Durante o dito período, o texto do convenio subscrito estará á disposición do público en xeral, no departamento municipal de Información de Urbanismo, situado na planta baixa do edificio da Xerencia Municipal de Urbanismo (praza do Rei, s/n), das 9.00 ás 13.30 horas, para a súa consulta e para a presentación de cantos documentos ou alegacións se consideren pertinentes.
Vigo, 6 de setembro de 2012
(Resolución do 13.7.2012)
Carlos López Font
Vicepresidente da Xerencia Municipal de Urbanismo