Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 474/2006 por instancia de Ibermutuamur contra Antonio Veiga Otero e o INSS, sobre cantidade, nos cales se ditou sentenza en data 7 de setembro de 2012, que copiada nos particulares necesarios di así:
«Decido que estimando parcialmente a demanda formulada pola letrada Carmen Orjales Mariño, en nome e representación de Ibermutuamur, Mutua de Accidentes de Trabajo y Enfermedades Profesionales de la Seguridad Social número 274, contra a empresa Antonio Veiga Otero e contra o Instituto Nacional da Seguridade Social, declaro que a empresa Antonio Veiga Otero deduciu a prestación económica de incapacidade temporal derivada de continxencias comúns que lle aboaron na liquidación dos seguros sociais, asumindo o pagamento delegado da prestación de incapacidade temporal por importe de 1.673,19 euros, e condeno a dita empresa a estar e pasar por tal declaración, coas consecuencias de devolución por importe de 1.673,19 euros á mutua demandante Ibermutuamur, con expresa absolución do Instituto Nacional da Seguridade Social.
Expídase testemuño da presente resolución para a súa unión aos autos, levando o orixinal ao libro de sentenzas.
Notifíqueselles esta sentenza ás partes, facéndolles saber que non é firme e que contra esta procede interpor recurso de suplicación ante a sala do social do Tribunal Superior de Xustiza de Galicia en forma e prazo legal.
Así, por esta sentenza, pronúncioo, mándoo e asínoo. Dou fe».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Antonio Veiga Otero, expido e asino o presente edicto.
A Coruña, 18 de setembro de 2012
A secretaria xudicial