Vacante na Universidade de Santiago de Compostela o posto de traballo que se indica no anexo I desta resolución e sendo necesaria a súa provisión,
O reitor, no uso das atribucións que ten conferidas e de conformidade co previsto no artigo 25 do convenio colectivo para o persoal laboral da USC (DOG do 30 de decembro de 2008), resolve anunciar a convocatoria pública, mediante libre designación, do antedito posto, con suxeición ás seguintes:
Bases da convocatoria
Primeira. Poderá concursar o persoal laboral fixo da USC, calquera que for a súa situación administrativa, agás os suspensos en firme e os sancionados con cambio de localidade que leven máis de dous anos desde a obtención do último destino definitivo.
Tamén poderá participar o persoal laboral fixo doutras administracións con que exista convenio de reciprocidade, nas condicións que se establezan nos propios convenios e que se encontre destinado provisionalmente na USC.
As persoas solicitantes deberán reunir os requisitos que se exixen e se especifican no anexo I.
Segunda. As solicitudes para participar nesta convocatoria presentaranse no Rexistro Xeral da USC (situado no Colexio de San Xerome, Praza do Obradoiro, s/n, 15782 Santiago de Compostela), no Rexistro do Campus de Lugo (situado no Edificio de Servizos Administrativos e Biblioteca Intercentros, avda. Bernardino Pardo Ouro, s/n, polígono de Fingoi, 27002 Lugo), ou na forma prevista no artigo 38 da Lei 30/1992, do 26 de novembro, no prazo de 15 días hábiles contados a partir do seguinte ao da publicación desta convocatoria no Diario Oficial de Galicia, segundo o modelo que figura como anexo II.
Terceira. As persoas aspirantes deberán xuntar á solicitude a seguinte documentación:
– Currículum vitae xustificando documentalmente os méritos que aleguen.
– Memoria sobre a misión do posto e responsabilidades da persoa titular e posibles melloras.
Cuarta. A designación realizarase entre as persoas traballadoras que acrediten reunir as aptitudes necesarias para o desempeño do posto.
Contra a presente resolución, que esgota a vía administrativa, poderase interpoñer un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer un recurso potestativo de reposición no prazo dun mes perante o órgano que a ditou. Neste caso non se poderá interpoñer o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro dos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 24 de setembro de 2012
Juan José Casares Long
Reitor da Universidade de Santiago de Compostela
ANEXO I
Denominación do posto: director da Área de Valorización, Transferencia e Emprendemento.
Número de praza: PL001257.
Grupo: 1.
Categoría laboral: técnico superior de xestión.
Complemento de posto singularizado: 1.0.
Quenda: mañá.
Localidade: Santiago de Compostela.
ANEXO II
Universidade de Santiago de Compostela
Solicitude de participación no procedemento de libre designación,
convocado por Resolución do 24 de setembro de 2012
DATOS PERSOAIS
DNI |
PRIMEIRO APELIDO |
SEGUNDO APELIDO |
NOME |
||
DESTINO ACTUAL |
|||||
CATEGORÍA A QUE PERTENCE |
GRUPO |
||||
TELÉFONO |
CORREO ELECTRÓNICO |
||||
ENDEREZO |
|||||
CÓDIGO POSTAL |
LOCALIDADE |
PROVINCIA |
POSTO QUE SOLICITA
DENOMINACIÓN DO POSTO |
NÚMERO DE PRAZA |
O/A abaixo asinante solicita ser admitido/a á convocatoria a que se refire esta solicitude e DECLARA seren certos os datos consignados nela e reunir as condicións requiridas especificamente por esta convocatoria, comprometéndose a probar documentalmente todos os datos que figuran nesta solicitude.
……………………………………., ……….. de ………........…… de 2012
(Sinatura)
Reitor da Universidade de Santiago de Compostela