María Teresa Vázquez Abades, secretaria xudicial do Xulgado do Social número 1 de Santiago de Compostela, fai saber que no procedemento despedimento obxectivo individual 177/2012 deste xulgado do social, seguido por instancia de Rosario Cornes Costa contra a empresa Grial Libros, S.L., Grace Nouel Brache, Comercial Ara, S.A., Sálvora Areito, S.A., Aula 25 Distribuidora, Fondo de Garantía Salarial, Aula 25 e Abraxas Aula 25, S.L., sobre despedimento, se ditou a seguinte sentenza, con data do 4 de setembro de 2012, cuxa parte dispositiva se xunta:

«Que estimo a demanda interposta por Rosario Cornes Costa fronte ás mercantís Grial Libros, S.L., Nouche Brache, Grace, Aula 25 Distribuidora, Abraxas Aula 25, S.L., Aula 25, Fondo de Garantía Salarial e Germán Antonio Pérez Rubín, na súa condición de administrador concursal de Grial Libros, S.L. e, en consecuencia, declaro improcedente o despedimento da demandante, efectuado con data do 26 de xaneiro de 2012 e condeno a Grial Libros, S.L. e Grace A. Nouel Brache a que opten, no prazo de cinco días desde a notificación da sentenza, ben por readmitir a traballadora nas mesmas condicións que rexían antes de se producir o despedimento, ben pola extinción da relación contractual con aboamento dunha indemnización de 8.547,75 euros, en ambos os casos con aboamento dos salarios de tramitación desde a data do despedimento ata a sentenza por importe de 8.433,78 euros, así como os que se devindiquen ata a notificación da sentenza, a razón de 37,99 euros diarios, e a aboar á demandante a cantidade de 5.946,96 euros en concepto de diferenzas salariais devindicadas durante o ano 2011, máis o xuro do 10 % desta última cantidade, por demora no pagamento. Absolvo o resto dos demandados das pretensións deducidas fronte a eles e condeno a Germán Antonio Pérez Rubín na súa soa condición de administrador concursal.

Notifíquese esta resolución ás partes e fágaselles saber que contra ela cabe recurso de suplicación ante a Sala do Social do Tribunal Superior de Xustiza de Galicia, que se deberá interpor ante este xulgado no prazo de cinco días hábiles contados a partir do seguinte ao desta notificación, segundo o previsto no artigo 189 da Lei de procedemento laboral.

Así o acordo, mando e asino, María del Carmen Barcala Barreiro, maxistrada xuíza substituta do Xulgado do Social número 1 de Santiago de Compostela».

E para que lle sirva de notificación en legal forma a Grace Nouelle Brache, en paradoiro descoñecido, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas ou cando se trate de emprazamentos.

Santiago de Compostela, 13 de setembro de 2012

A secretaria xudicial