De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 12, do 14 de xaneiro), notifícaselle á persoa que se cita a continuación, o acordo de incoación ditado pola Xefatura de Servizo de Turismo de Pontevedra, do expediente sancionador en materia de turismo número PO-S-22/2012 por infracción administrativa da Lei 14/2008, do 3 de decembro, de turismo de Galicia, modificada pola Lei 1/2010, do 11 de febreiro, de modificación de diversas leis de Galicia para a súa adaptación á Directiva 2006/123/CE, do Parlamento Europeo e do Consello, do 12 de decembro de 2006, relativa aos servizos do mercado interior, xa que intentada polos medios habituais, non se puido efectuar.

Advírteselle ao titular do establecemento denunciado que, de conformidade co artigo 13.2º do Real decreto 1398/1993, para o caso de no efectuar alegacións no prazo de quince días, e tendo en conta que o devandito acordo contén un pronunciamento preciso sobre a responsabilidade que se lle imputa, poderá ser considerado como proposta de resolución.

Expediente: PO-S-22/2012.

Titular sancionado: Novavila Rías Baixas, S.L.

Establecemento: Novavila.

Enderezo: Santo Tomé de Nogueira.

Concello: Meis.

Data de incoación: 7 de marzo de 2012.

Feitos imputados: a realización ou publicidade, por calquera medio de difusión, das actividades das empresas turísticas sen estar en posesión da autorización preceptiva terán a consideración de intrusismo profesional e sancionaranse administrativamente consonte o previsto nesta lei.

Preceptos infrinxidos: artigo 27.a) da Lei 14/2008, do 3 de decembro, do turismo de Galicia, modificada pola Lei 1/2010, do 11 de febreiro, de modificación de diversas leis de Galicia para a súa adaptación á Directiva 2006/123/CE, do Parlamento Europeo e do Consello, do 12 de decembro de 2006, relativa aos servizos do mercado interior.

Sanción proposta: 3.600 euros, sen prexuízo do que poda resultar da fase instrutora.

Pontevedra, 28 de agosto de 2012

Mª Ángeles Herrero Pérez
Xefa do Servizo de Turismo de Pontevedra