DOG 177 do 17/09/2012 - RESOLUCIÓN do 28 de xuño de 2012, da Xefatura Territorial de Pontevedra, pola que se somete a información pública a presentación do permiso de investigación Galiñeiro 3128, nos concellos do Porriño e Mos, por parte da sociedade Consulting de Geología y Minería, S.L. (CGM).

VI. Anuncios

a) Administración autonómica

Consellería de Economía e Industria

RESOLUCIÓN do 28 de xuño de 2012, da Xefatura Territorial de Pontevedra, pola que se somete a información pública a presentación do permiso de investigación Galiñeiro 3128, nos concellos do Porriño e Mos, por parte da sociedade Consulting de Geología y Minería, S.L. (CGM).

A Xefatura Territorial da Consellería de Economía e Industria de Pontevedra fai saber que Consulting de Geología y Minería, S.L. (CGM), con CIF B-06490684 e domicilio en r/ Fernando Báxares, 28 código postal 06150 Santa Marta, Badajoz, presentou nesta xefatura territorial, o día 26 de abril de 2011, solicitude do permiso de investigación denominado Galiñeiro, sobre unha superficie de dez cuadrículas mineiras para a investigación de minerais de terras raras, situado nos termos municipais do Porriño e Mos e ao que lle correspondeu o nº 3128.

A designación do terreo en coordenadas xeográficas é a seguinte:

Vértices	Lonxitude	Latitude
V1	8º 40’ 00’’	42º 09’ 20”
V2	8º 39’ 20’’	42º 09’ 20”
V3	8º 39’ 20’’	42º 08’ 40”
V4	8º 39’ 40’’	42º 08’ 40”
V5	8º 39’ 40’’	42º 08’ 20”
V6	8º 40’ 00’’	42º 08’ 20”
V7	8º 40’ 00’’	42º 07’ 40”
V8	8º 41’ 00’’	42º 07’ 40”
V9	8º 41’ 00’’	42º 08’ 00”
V10	8º 40’ 20’’	42º 08’ 00”
V11	8º 40’ 20’’	42º 08’ 40”
V12	8º 40’ 00’’	42º 08’ 40”

O que se fai público en cumprimento do artigo 21 da Lei 3/2008, do 23 de maio, de ordenación da minaría de Galicia, para que calquera que se considere interesado poida examinar o expediente e presentar as alegacións que considere oportunas ante esta xefatura territorial no prazo de 30 días.

Pontevedra, 28 de xuño de 2012

Ignacio Rial Santomé
Xefe territorial de Pontevedra