De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE nº 12, do 14 de xaneiro), notifícaselle á titular que no anexo se menciona a incoación de expediente sancionador en materia de turismo por infracción da Lei 7/2011, do 27 de outubro, do turismo de Galicia, xa que, intentada polos medios habituais, non se puido practicar a notificación.
Neste mesmo acto designouse instrutor do expediente a Félix Collazos López; os interesados poderán promover a súa recusación en calquera momento da tramitación do procedemento, de conformidade co disposto no artigo 29 da Lei 30/1992, do 26 de novembro, modificada pola Lei 4/1999, do 13 de xaneiro.
De conformidade co establecido no Decreto 82/2012, do 23 de febreiro, polo que se modifica o Decreto 325/2009, do 18 de xuño, de estrutura orgánica dos órganos superiores dependentes da Presidencia da Xunta de Galicia, a resolución deste procedemento por infracción leve corresponde á titular da Xefatura do Servizo de Turismo da Coruña.
A resolución deste procedemento sancionador notificarase no prazo dun ano desde a data deste acordo, de conformidade co disposto no artigo 124.1 da Lei 7/2011, do 27 de outubro.
A interesada dispoñerá dun prazo de quince días, conforme o establecido no artigo 16.1 do Real decreto 1398/1993, para achegar ante o instrutor do expediente, para a súa incorporación a este, cantas alegacións, documentos ou informacións estimen convenientes e, de ser o caso, propoñer proba concretando os medios de que se pretenda valer, coa advertencia de que, de non formular alegacións no prazo sinalado, este acordo se considerará como proposta de resolución, de conformidade co previsto no artigo 13.2 do citado decreto.
A Coruña, 30 de agosto de 2012
Mª Carmen Ramallal Molina
Xefa do Servizo de Turismo da Coruña
ANEXO
Expediente: AC-112/12.
Denunciada: Nova Hostelería Ramallosa, S.C.
CIF: J70302690.
Establecemento: restaurante parrillada La Doma.
Enderezo: travesía da Ramallosa, 5.
Localidade: Teo.
Precepto infrinxido: artigo 109.2, letras a) e b) da Lei 7/2011.
Incoación: 12 de xullo de 2012.
Sanción: multa de douscentos euros (200 €).
