Daniel Pérez Acal solicitou neste concello licenza para a instalación dunha fosa de xurro que se situará no predio nº 12, do polígono 1 da zona de concentración parcelaria de Fonteo, segundo proxecto para instalación de fosa de xurro e construción de dúas plataformas de formigón, visado polo Colexio Oficial de Enxeñeiros Técnicos Agrícolas de Lugo o 11 de xuño de 2012, número de visado 336.

De conformidade co regulado no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, o expediente sométese ao trámite de información pública por un período de vinte días –que se contarán a partir do último dos anuncios– mediante anuncios no Diario Oficial de Galicia, no Boletín Oficial da provincia de Lugo e exposición no taboleiro de anuncios do concello. Durante o devandito prazo poderán formularse por escrito as alegacións, reclamacións e/ou observacións que se consideren oportunas en relación co mencionado expediente.

O expediente poderá consultarse na Casa do Concello de Baleira, de luns a venres de 8.30 a 14.30 horas.

Baleira, 29 de agosto de 2012

Francisco Acal Eiros
Alcalde