A comunidade hereditaria de Manuel Andújar Monteagudo e, na súa representación, Carmen Castiñeira Capelo, solicita deste concello licenza para legalización de planta de xestión e tratamento de residuos da construción e demolición (infraestrutura de xestión e tratamento de residuos), no lugar de Cheo, paraxe de Vilariño, na parroquia de Dumbría. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, o expediente sométese a información pública polo prazo de vinte días hábiles, que comezará a contar desde a última inserción deste anuncio no BOP e no DOG, para que quen se vexa afectado dalgún modo pola actividade presente as alegacións ou reclamacións que considere pertinentes.
Dumbría, 7 de setembro de 2012
José Antonio Casais Fernández
Alcalde accidental