A Resolución do 26 de decembro de 2005, da Presidencia da Axencia Estatal de Administración Tributaria, sobre organización e atribución de competencias na área de recadación, establece no seu punto terceiro 1.2.1.c) que corresponde ás unidades administrativas rexionais de recadación das administracións desenvolver as súas funcións e competencias respecto ás débedas das persoas ou entidades con domicilio fiscal no ámbito territorial da correspondente Administración, cuxa xestión recadatoria non corresponda ás dependencias rexionais de recadación e non se trate de débedas daqueles obrigados tributarios cuxa xestión recadatoria se axuste aos procesos informatizados a que se refire a disposición adicional segunda desta resolución, e cando o importe total das súas débedas non supere a cifra que para cada Administración fixe o titular da correspondente delegación especial, logo de informe favorable do Departamento de Recadación, mediante acordo publicado no boletín oficial correspondente ao seu ámbito territorial; este importe, como máximo, é de 300.000 €.

En cumprimento do citado no parágrafo anterior, e logo do informe favorable do Departamento de Recadación da AEAT, resolvín que para cada Administración das que se citan a continuación o importe a que fai referencia o punto terceiro 1.2.1.c) da Resolución do 26 de decembro de 2005, da Presidencia da Axencia Estatal de Administración Tributaria, sobre organización e atribución de competencias na área de recadación, sexa o seguinte:

D. A Coruña.

A. Betanzos: 0,00 €.

A. Carballo: 0,00 €.

A. Ribeira: 0,00 €.

D. Lugo.

A. Foz: 0,00 €.

A. Monforte de Lemos: 0,00 €.

D. Ourense.

A. O Barco de Valdeorras: 0,00 €.

A. Verín: 0,00 €.

D. Pontevedra.

A. A Estrada: 0,00 €.

A. Ponteareas: 0,00 €.

A. Tui: 0,00 €.

A presente resolución será obxeto de publicación no Diario Oficial de Galicia.

A Coruña, 21 de agosto de 2012

José Luis Rodríguez Díaz
Delegado especial de Galicia