Por Resolución do 20 de xuño de 2012, da Secretaría Xeral Técnica da Consellería de Sanidade, fíxose pública a adxudicación provisional da oficina de farmacia código B1, zona farmacéutica O Barco de Valdeorras, delimitación territorial O Barco (San Amaro), no concurso público de adxudicación convocado pola Resolución do 29 de decembro de 2006, da Secretaría Xeral Técnica da Consellería de Sanidade.
Unha vez transcorrido o preceptivo prazo dun mes sen que por parte dos farmacéuticos interesados no procedemento se interpuxesen recursos de alzada, a dita resolución deveu firme.
Consecuentemente, corresponde adxudicar definitivamente a farmacia ofertada de acordo co disposto no artigo 27.2 do Decreto 146/2001, do 7 de xuño, sobre planificación, apertura, traslado, peche e transmisión de oficinas de farmacia, segundo o cal «a renuncia ou perda da adxudicación con anterioridade á apertura da nova oficina de farmacia implicará a adxudicación da oficina de farmacia de que se trate a quen figure nese momento no lugar máis alto da lista de reserva, sempre que a solicitase para esa zona farmacéutica».
Por todo o exposto, en virtude das facultades que me confire o artigo 34 da Lei 1/1983, do 22 de febreiro, da Xunta e da súa Presidencia,
RESOLVO:
Adxudicar a oficina de farmacia con código B1, correspondente á área sanitaria do Barco, zona farmacéutica O Barco de Valdeorras, delimitación territorial O Barco (San Amaro), a Mª Lourdes Álvarez Fernández.
Contra a devandita resolución poderá interpoñerse recurso contencioso-administrativo de acordo co establecido no artigo 14.1, regra segunda, da Lei 29/1998, do 13 de xullo, reguladora da xurisdición contencioso-administrativa (modificada pola Lei 37/2011, do 10 de outubro, de medidas de axilización procesual).
O prazo para a interposición será de dous meses, que se contarán desde o día seguinte ao da súa publicación desta no Diario Oficial de Galicia, de conformidade co artigo 46 da dita Lei 9/1998.
Santiago de Compostela, 20 de agosto de 2012
Rocío Mosquera Álvarez
Conselleira de Sanidade
