Elena Varela Luaces, secretaria xudicial do Xulgado do Social número 3 de Santiago de Compostela, fago saber que no procedemento de despedimento obxectivo individual 165/2012 deste xulgado do social, seguido por instancia de Pablo Antonio Céspedes García contra a empresa Grialibros, S.L., Grace Nouel Brache, Comercial Ara, S.A., Sálvora Areito, S.A., Aula 25 Distribuidora, o Fondo de Garantía Salarial, Aula 25, Abraxas Aula 25, S.L., sobre despedimento, ditouse a seguinte resolución:

«Decido que debo estimar e estimo a excepción de indebida acumulación de accións, tendo por efectuada a opción pola parte demandante pola acción de despedimento, a cal estimo parcialmente e, en consecuencia, declaro improcedente o despedimento producido con efectos do 26 de xaneiro de 2012 e condeno solidariamente as entidades Grialibros, S.L. e Grace Antonia Nouel Brache a que readmitan inmediatamente o demandante nas mesmas condicións que rexían antes de producirse o despedimento, ou ben, a elección do empresario, á extinción da relación laboral con aboamento á parte demandante dunha indemnización de 11.005,43 euros.

A devandita opción deberá exercerse no prazo de cinco días a partir da notificación desta sentenza, mediante escrito ou comparecencia ante este xulgado. Transcorrido o devandito prazo sen que o empresario tivese optado, entenderase que procede a readmisión.

Calquera que fose o sentido da opción, condeno así mesmo as demandadas Grialibros, S.L. e Grace Antonia Nouel Brache solidariamente a que satisfagan ao demandante os salarios que non percibise e que puidesen corresponderlle desde a data de efectividade do despedimento (26 de xaneiro de 2012) ata a notificación desta resolución, tomándose en consideración para tal efecto o salario diario de 40,32 euros, que na data da presente sentenza ascenden a 7.781,57 euros.

Condeno o Fogasa e a administración concursal de Grialibros a estar e pasar pola presente resolución.

Desestimo a demanda fronte a Abraxas Aula 25, S.L.

Tense a parte demandante por desistida da acción exercida contra Comercial Ara, S.A., Sálvora Areito, S.A., Aula 25 Distribuidora e Aula 25.

Notifíquese a presente resolución ás partes facéndolles saber que contra esta poden interpoñer recurso de suplicación no prazo de cinco días desde a súa notificación logo de consignación en depósito da cantidade de 300 euros e, no caso das empresas condenadas, do importe obxecto de condena.

Lévese o orixinal desta resolución ao libro de sentenzas e déixese testemuño nas actuacións.

Así o acordo, mando e asino.

A maxistrada xuíza».

E para que sirva de notificación en legal forma a Abraxas Aula 25, S.L. e a Grace Antonia Nouel Brache, en paradoiro descoñecido, expido o presente para a súa inserción no Diario Oficial de Galicia.

Santiago de Compostela, 17 de agosto de 2012

A secretaria xudicial