DOG 169 do 5/09/2012 - CÉDULA do 14 de agosto de 2012, da Xefatura Territorial da Coruña, pola que se fai pública unha relación de notificacións de acordos de procedencia de reintegro de varias axudas para o fomento das transformacións dos contratos temporais en indefinidos, reguladas na Orde do 11 de decembro de 2006 (Diario Oficial de Galicia número 240, do 15 de decembro) relativa aos expedientes TR347G 2007/209-1 e seis máis.

VI. Anuncios

a) Administración autonómica

Consellería de Traballo e Benestar

CÉDULA do 14 de agosto de 2012, da Xefatura Territorial da Coruña, pola que se fai pública unha relación de notificacións de acordos de procedencia de reintegro de varias axudas para o fomento das transformacións dos contratos temporais en indefinidos, reguladas na Orde do 11 de decembro de 2006 (Diario Oficial de Galicia número 240, do 15 de decembro) relativa aos expedientes TR347G 2007/209-1 e seis máis.

Intentada a notificación das ditas resolucións segundo o disposto nos artigos 59.5º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo, para que poidan ter coñecemento delas.

Estas resolucións poñen fin á vía administrativa e contra elas os interesados poden interpoñer recurso contencioso-administrativo, no prazo de dous meses, que comezará a contar a partir do día seguinte ao da publicación desta cédula no Diario Oficial de Galicia, ante o órgano competente da xurisdición contencioso-administrativa. Así mesmo, con anterioridade e con carácter potestativo, poderá interpoñer un recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial, todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.

Así mesmo, fáiselle saber o dereito que o asiste para que poida realizar as alegacións e presentar documentación que considere oportuna, entre a que debe constar unha relación da variación de altas e baixas do persoal adscrito, no prazo de quince días, que comezará a contar a partir do día seguinte ao desta publicación.

Lémbraselles tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, nº 9-1º, na Coruña, e a obter, se é o caso, copia da resolución, segundo o previsto na letra a) do artigo 35 da Lei 30/1992, do 26 de novembro.

A Coruña, 14 de agosto de 2012

Luis Alberto Álvarez Freijido
Xefe territorial da Coruña

ANEXO

Nº de expediente: TR347G 2007/209-1.

Nome ou razón social: Avícola Pérez Maciñeira, S.A. (Apemasa).

DNI/NIF: A15029135.

Último enderezo coñecido: camiño do Bosque-San Cristovo das Viñas, 15008 A Coruña.

Tipo de axuda: transformación de contratos temporais en indefinidos.