Granjas Corno de Boi, S.C. solicitou desta alcaldía licenza municipal para ampliación de explotación agropecuaria: ampliación de corte de vacún de carne, esterqueira, nave de porcino e fosa de zurro, que se situará no lugar de Fontefría, na parroquia de San Xurxo de Augas Santas. Cumprindo o disposto no artigo 8.1. do Decreto 133/2008, do 12 de xuño, no que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contar desde o día seguinte ao da inserción do presente edicto no Boletín Oficial da provincia e no DOG– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretenden instalar e formular por escrito as reclamacións ou observacións que consideren oportunas.
Palas de Rei, 9 de agosto de 2012
Pablo José Taboada Camoira
Alcalde presidente