Con data vinte e tres de agosto de dous mil doce a alcaldía ditou a resolución número dous mil cento sesenta, que literalmente se transcribe a continuación:
O orzamento muncipal para o exercicio 2012 está aprobado e en vigor, vista a súa publicación definitiva (BOP nº 151, do 9 de agosto de 2012).
Así mesmo, tal e como se desprende do expediente, transcorreu o prazo previsto no artigo 70.2 da Lei de bases de réxime local, Lei 7/1985, do 2 de abril (remisión do acordo á Subdelegación do Goberno e á Xunta de Galicia), dado que a aprobación definitiva da relación de postos municipal se produciu por acordo plenario o pasado 27 de xullo de 2012, publicada no BOP nº 148, do 6 de agosto de 2012.
Artigos 69.2 e 70.1 da Lei 7/2007, do 12 de abril, polo que se aproba o Estatuto básico do empregado público e artigos 91.1 da Lei 7/1985, do 2 de abril, reguladora das bases de réxime local, e 128.1 do Real decreto lexislativo 781/1986, do 18 de abril, polo que se aproba o texto refundido sobre disposicións legais vixentes en materia de réxime local, que dispoñen que as corporacións locais aprobarán e publicarán anualmente, dentro do prazo dun mes desde a aprobación do seu orzamento, a oferta de emprego público para o ano correspondente, axustándose á lexislación básica do Estado sobre función pública.
Vista a competencia outorgada a esta alcaldía prevista no artigo 21.1 g) da Lei 7/1985, do 2 de abril,
RESOLVO:
Primeiro. Sexa aprobada a oferta de emprego público para o exercicio 2012, co seguinte detalle:
Clasificación:
Área: Secretaría.
Servizo: Secretaría.
Denominación do posto: auxiliar administrativo.
Complemento de destino: nivel 18.
Complemento específico: 5.071,78 €.
Adscrición: Administración local, grupo C2, escala de Administración xeral, subescala auxiliar.
Titulación académica: graduado/a en ESO.
Funcións: as sinaladas no artigo 169.1 d) do Real decreto lexislativo 781/1986, do 18 de abril.
Forma de provisión: posto para funcionarizar. Concurso-oposición ao abeiro do disposto na disposición transitoria segunda da Lei 7/2007, do 12 de abril, do Estatuto básico do empregado público.
Clasificación:
Área: Urbanismo.
Servizo: Urbanismo.
Denominación do posto: auxiliar administrativo.
Complemento de destino: nivel 18.
Complemento específico: 5.071,78 €.
Adscrición: Administración local, grupo C2, escala de Administración xeral, subescala auxiliar.
Titulación académica: graduado/a en ESO.
Funcións: as sinaladas no artigo 169.1 d) do Real decreto lexislativo 781/1986, do 18 de abril.
Forma de provisión: posto para funcionarizar. Concurso-oposición ao abeiro do disposto na disposición transitoria segunda da Lei 7/2007, do 12 de abril, do Estatuto básico do empregado público.
Clasificación:
Área: Área Económica.
Servizo: Intervención.
Denominación do posto: auxiliar administrativo.
Complemento de destino: nivel 18.
Complemento específico: 5.071,78 €.
Adscrición: Administración local, grupo C2, escala de Administración xeral, subescala auxiliar.
Titulación académica: graduado/a en ESO.
Funcións: as sinaladas no artigo 169.1 d) do Real decreto lexislativo 781/1986, do 18 de abril.
Forma de provisión: posto para funcionarizar. Concurso-oposición ao abeiro do disposto na disposición transitoria segunda da Lei 7/2007, do 12 de abril, do Estatuto básico do empregado público.
Segundo. De conformidad co preceptuado no número 1 in fine do artigo 70 do Estatuto básico do empregado público, o prazo máximo para a convocatoria dos correspondentes procesos selectivos será de 3 meses contados desde a publicación da presente OEP no Diario Oficial de Galicia.
Noia, 23 de agosto de 2012
Xosé Bieito González Domínguez
Alcalde en funcións
