Por medio da Resolución do 26 de xuño de 2012, da Dirección Xeral da Compañía de Radio-Televisión de Galicia, dábase por rematado e proclamábanse os/as seleccionados/as con carácter definitivo no proceso selectivo extraordinario de consolidación de emprego para a provisión de vacantes por persoal laboral fixo na Compañía de Radio-Televisión de Galicia e nas súas sociedades, Televisión de Galicia, S.A. e Radiotelevisión Galicia, S.A., convocado por Resolución do 25 de xaneiro de 2011, da Dirección Xeral da Compañía de Radio-Televisión de Galicia, publicada no DOG número 22, do 2 de febreiro.

Por medio da Resolución do 8 de agosto de 2012, da Dirección Xeral da Compañía de Radio-Televisión de Galicia, deuse publicidade ás listaxes definitivas das puntuacións do concurso-oposición e á proposta de adxudicación de prazas, nas categorías e quendas afectadas pola resolución dos recursos administrativos interpostos contra as resolucións de 25 de abril, 4 de xuño e 26 de xuño de 2012.

Verificado o cumprimento dos requisitos exixidos nas bases da convocatoria polos seleccionados como consecuencia da resolución dos ditos recursos administrativos, esta dirección xeral

RESOLVE:

Primeiro. Modificar o anexo da Resolución do 26 de xuño no cal se proclamaban os/as seleccionados/as con carácter definitivo, respecto das categorías e quendas afectadas pola resolución dos recursos administrativos interpostos antes mencionados.

Segundo. Proclamar seleccionados/as con carácter definitivo pola estimación dos ditos recursos administrativos, nas categorías e quendas afectadas, os aspirantes que se recollen no anexo.

Terceiro. A data de formalización do contrato deste persoal laboral fixo na categoría correspondente será o día da publicación na páxina web www.crtvg.es desta resolución, con efectos de recoñecementos de dereitos desde o día 1 de xullo de 2012, e dispoñen os/as interesados/as de tres días hábiles para a sinatura do contrato.

Cuarto. Os/as aspirantes deberán ir provistos do DNI ou outro documento que acredite de forma fidedigna a súa identidade e, no caso de non poder comparecer persoalmente, poderán ser representados por terceiras persoas con poder notarial suficiente.

Quinto. A falta de incorporación no prazo antes referido, cando sexa imputable ao/á interesado/a e non corresponda a causas xustificadas, producirá o decaemento do seu dereito a obter a condición de persoal laboral fixo como consecuencia do proceso selectivo. No entanto, en casos de forza maior, e por instancia do/a interesado/a, a Dirección de Recursos Humanos poderá prorrogar o prazo de sinatura do contrato laboral fixo.

Sexto. Esta resolución poderase impugnar directamente ante a xurisdición contencioso-administrativa interpoñendo recurso contencioso-administrativo no prazo de dous meses contados desde o día seguinte ao da súa publicación.

Santiago de Compostela, 10 de agosto de 2012

Alfonso Sánchez Izquierdo
Director xeral da Compañía de Radio-Televisión de Galicia

ANEXO I

Aspirantes seleccionados con carácter definitivo

Quenda: libre.