Alberto Castro Sal solicitou neste concello licenza para a ampliación de construcións agrarias (nave de vacún de leite, sala de espera, sala de muxidura, leitaría e foxa de xurro), na parroquia de Espasande.
De conformidade co disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública por un período de 20 días mediante anuncio no BOP de Lugo, no DOG e no taboleiro de edictos do concello, para que os interesados poidan examinar o expediente na Secretaría do Concello das 9.00 ás 14.00 horas, de luns a venres e, de ser o caso, formular os reparos ou observacións que consideren oportunos.
Este anuncio servirá de notificación ao abeiro do artigo 59.5º da Ley 30/1992, a todos aqueles que sexan descoñecidos ou se ignore o seu paradoiro, ou ben, intentada esta, non se puidese practicar.
Castroverde, 23 de agosto de 2012
Xosé María Arias Fernández
Alcalde