Ao abeiro da Instrución 2/2011, do 12 de abril, para a aplicación da disposición transitoria terceira da Lei 2/2010, do 25 de marzo, de medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia, tramítase por instancia de Desguaces Rutabella, S.L., a declaración de incursión na situación legal de fóra de ordenación total da construción dedicada a desmantelamento de automóbiles e comercio de recambios e vehículos sita en Agrilloi s/n, A Agualada, 15147 Coristanco (A Coruña) pq 46, AC-552 da Coruña a Fisterra. De acordo co proxecto presentado de recoñecemento de actividade para desmantelamento de automóbiles e comercio de recambios e vehículos, e cumprindo o preceptuado no artigo 8.3 do Decreto 133/2008, do 12 de xuño, de avaliación de incidencia ambiental, en relación co artigo 86 da Lei 30/1992, de réxime xurídico das administracións públicas e do procedemento administrativo común, ábrese un período de información pública por un prazo de vinte días, contados a partir do seguinte ao da inserción do anuncio no Diario Oficial de Galicia e no Boletín Oficial da provincia, para que os que se consideren afectados dalgunha maneira pola actividade que se pretende establecer poidan facer as observacións pertinentes.
O expediente atópase na Secretaría deste concello e pode consultarse nas horas de oficina.
Coristanco, 6 de agosto de 2012
Antonio Pensado Plágaro
Alcalde