María Adelaida Egurbide Margañón, secretaria xudicial do Xulgado do Social número 2 da Coruña, fago saber que no procedemento de despedimento/cesamentos en xeral 1197/2011 deste xulgado do social, seguido por instancia de Pablo Sánchez Rodríguez contra a empresa Inscable Galicia, S.L., e o Fogasa, sobre despedimento, ditouse sentenza cuxo encabezamento e ditame din:

«Autos 1197/2011.

Na cidade da Coruña o 1 de agosto de 2012.

Lara Mª Munín Sánchez, xuíza substituta do Xulgado do Social número 2 da Coruña, tras ver os presentes autos sobre despedimento, por instancia de Pablo Sánchez Rodríguez, que comparece representado polo letrado Sr. Etxeverría Laredo, contra a empresa Inscable Galicia, S.L., e o Fondo de Garantía Salarial, que non comparecen, ditou a seguinte sentenza:

Decido que, estimando a demanda interposta por Pablo Sánchez Rodríguez contra a empresa Inscable Galicia, S.L., declaro improcedente o despedimento de que foi obxecto o 14.10.2011 e condénoa a que, no prazo de cinco días contados desde a notificación desta resolución, opte entre readmitir o demandante no seu posto de traballo ou indemnizalo pola extinción da relación laboral coa cantidade, salvo erro ou omisión, de trece mil novecentos setenta e tres euros e cincuenta e cinco céntimos (13.973,55 €); con aboamento, en todo caso, dos salarios de tramitación deixados de percibir desde a data do despedimento ata a notificación da presente resolución, en contía de corenta e nove euros e tres céntimos (49,03 €) diarios; debendo poñer en coñecemento do xulgado, no prazo antes dito, se opta ou non pola readmisión.

Así mesmo, absolvo o Fondo de Garantía Salarial, sen prexuízo da súa responsabilidade subsidiaria nos casos previstos no artigo 33 do Estatuto dos traballadores.

Notifíquese esta resolución ás partes facéndolles saber que esta non é firme, e fronte a ela cabe formular recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución. De ser recorrente a empresa demandada deberá acreditar mediante a exhibición ante este xulgado do xustificante acreditativo de ter depositado a cantidade obxecto de condena na conta deste xulgado, aberta en Banesto; podendo substituírse a consignación en metálico polo aseguramento mediante aval bancario, en que se fará constar a responsabilidade solidaria do avalista, debendo acreditar tamén na indicada conta a consignación da suma de trescentos euros preceptiva para interpoñer recurso, sen este cumprimento non se terá por anunciado o recurso.

Así por esta miña sentenza, pronúncioo, mándoo e asínoo».

E para que sirva de notificación en legal forma a Inscable Galicia, S.L., expido a presente para a súa inserción no Diario Oficial de Galicia.

A Coruña, 1 de agosto de 2012

A secretaria xudicial