A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servizos Sociais, polo que se establece na Comunidade Autónoma de Galicia, a normativa reguladora para a homologación de cursos de capacitación para realizar tratamentos con praguicidas, así como, para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicarán aos organismos responsables na Comunidade Autónoma a homologación dos ditos cursos e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vaia celebrar.

En consecuencia, anúnciase a celebración dun curso de aplicador/manipulador de Biocidas, nivel básico, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado pola entidade Estudios Cacumen, de acordo ás seguintes bases:

1. Denominación do curso:

Curso para a capacitación de aplicadores/manipuladores de produtos biocidas. Nivel básico.

2. Entidade organizadora:

Estudios Cacumen (José Ángel Castro Expósito).

3. Data:

Os días 21, 22, 28 e 29 de setembro de 2012.

4. Lugar de realización:

Estudios Cacumen.

R/ Concepción Arenal, 18-1º.

27004 Lugo.

5. Número de prazas:

Máximo 20 alumnos.

6. Dirixido a:

Persoal auxiliar dos servizos de aplicación de biocidas, non clasificados como moi tóxicos, e persoal de establecementos.

7. Criterios de selección:

Por rigorosa orde de recepción de inscricións.

8. Presentación de solicitudes:

Solicitude segundo o modelo do anexo I.

9. Programa:

Día 21.9.2012
16.00-18.00 h	Biocidas. Descrición e clasificación dos distintos tipos de biocidas. Riscos derivados da manipulación de biocidas.
18.00-21.00 h	Principais pragas. Pragas ambientais. Loita contra as pragas ambientais. Métodos de loita antivectorial.
Día 22.9.2012
9.00-11.00 h	Técnicas de aplicación de biocidas. Biocidas e ambiente. Problemas de destrución de envases.
11.00-14.00 h	Hixiene e seguranza na manipulación de biocidas. Intoxicación, prevención, diagnóstico e primeiros auxilios.
Día 28.9.2012
15.30-17.00 h	Prácticas: as principais pragas e métodos de loita. Métodos de prevención contra pragas.
17.00-21.00 h	Prácticas: uso adecuado dos medios de protección persoal. Aplicación de distintos métodos de loita contra as pragas ambientais. Técnicas de aplicación de biocidas. Destrución de envases.
Día 29.9.2012
9.00-13.30 h	Prácticas: actuación e primeiros auxilios ante intoxicacións por biocidas.
13.30-14.30 h	Exame tipo test.

10. Certificado de superación do curso:

É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente co que poderá solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel básico.

Santiago de Compostela, 30 de xullo de 2012

Manuel Antonio Varela Rey
Director xeral de Innovación e Xestión da Saúde Pública

ANEXO I

Ficha de solicitude de inscrición

Curso para a capacitación de aplicadores/manipuladores de produtos biocidas. Nivel básico

Entidade organizadora: Estudios Cacumen (José Ángel Castro Expósito).

Datas: os días 21, 22, 28 e 29 de setembro de 2012.

Lugar de realización do curso:

Estudios Cacumen.

R/ Concepción Arenal, 18-1º.

27004 Lugo.

Duración: 20 horas teórico/prácticas e 1 hora de avaliación.

Horario: o día 21 de setembro das 16.00 ás 21.00 horas, o 22 de setembro das 9.00 a 14.00 horas, o 28 de setembro das 15.30 ás 21.00 horas, e o día 29 de setembro das 9.00 ás 14.30 horas.

Nº de prazas: máximo 20 alumnos.

Presentación de solicitudes:

Estudios Cacumen, r/ Concepción Arenal, 18-1º. 27004 Lugo, teléfono: 982 24 39 44, fax: 982 28 41 61, e-mail: cacumen@cacumenlugo.com

Data límite de presentación de solicitudes: 14 de setembro de 2012.

Criterio de selección: por rigorosa orde de recepción da solicitude.

Apelidos

Nome

NIF

Enderezo

Localidade

Teléfono Fax

Empresa