Neste concello tramítase expediente por instancia de José Antonio Sánchez Mirón, para licenza de actividade de taller de reparación de vehículos (chapa e pintura), para situar no lugar de Triñáns, nº 7, parroquia de Abanqueiro, Boiro, actividade sometida ao Decreto 133/2008, do 12 de xuño, polo que se regula a avaliación de incidencia ambiental.

En cumprimento da lexislación vixente sobre actividades molestas, insalubres, nocivas e perigosas, exponse ao público por termo de vinte días mediante anuncio no Diario Oficial de Galicia e no Boletín Oficial da provincia para que quen se vexa afectado dalgún modo pola dita actividade presente as observacións que considere pertinentes.

O expediente obxecto desta información pódese consultar nas oficinas municipais en horario de oficina.

Boiro, 19 de xullo de 2012

Juan José Dieste Ortigueira
Alcalde