Finalizado o prazo para presentar a solicitude e realizada a baremación dos méritos, procede a publicación das puntuacións provisionais e a relación de excluídos no taboleiro de anuncios da Consellería de Cultura, Educación e Ordenación Universitaria, nos seus departamentos territoriais e na páxina web desta consellería.

En consecuencia, esta dirección xeral

RESOLVE:

Primeiro. Facer públicas na Consellería de Cultura, Educación e Ordenación Universitaria, nos seus departamentos territoriais e na páxina web desta consellería
(http://www.edu.xunta.es/substitutoslistas/ -baremo listas abertas) as puntuacións provisionais e a relación de excluídos do baremo para prazas de interinidades e substitucións para impartir docencia no corpo de profesores de Música e Artes Escénicas, especialidades de Caracterización e Indumentaria (594442), Espazo Escénico (594448) e Técnicas Escénicas (594456).

Segundo. Publicar a relación de excluídos no anexo deste anuncio.

Terceiro. Contra estas puntuacións provisionais poderá interpoñerse reclamación no prazo de dez días naturais, a partir do día seguinte ao da publicación deste anuncio no DOG, ante o director xeral de Centros e Recursos Humanos da Consellería de Cultura, Educación e Ordenación Universitaria.

Santiago de Compostela, 26 de xullo de 2012

P.A.
Jesús Oitavén Barcala
Secretario xeral técnico da Consellería de Cultura,
Educación e Ordenación Universitaria

ANEXO

1. Titulación inadecuada.

2. Instancia fóra de prazo.

3. Titulación non validada polo Ministerio de Educación.

4. Documentación sen compulsar.

5. Non presentou a titulación. No expediente non figura o pagamento das taxas de expedición do título.