Para os efectos previstos na Lei 54/1997, do 27 de novembro, do sector eléctrico e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa, aprobación do proxecto de execución e a declaración de utilidade pública, en concreto, da instalación eléctrica que se describe:

Solicitante: Concello de Cerceda.

Domicilio social: avenida Mesón 21, 15185 Cerceda.

Denominación do proxecto: LAT de evacuación do P.E.S. de Cerceda (expediente IN661A 2004/2-1).

Municipios afectados: concello de Cerceda.

Características técnicas da instalación:

Liña de media tensión a 20 kV, cunha lonxitude total de 1.375 metros, composta por dous treitos de características:

Liña de media tensión soterrada a 20 kV, cunha lonxitude de 807 metros, en condutor tipo RHZ1-RHZ1-2OL 12/20 kV de 95 mm2 Al, coa orixe no centro colector do P.E.S. de Cerceda (UTM X: 540.252 / UTM Y: 4.781.710) e remate no paso aéreo-soterrado que se vai instalar no apoio de formigón tipo HVH 4500/13 que está proxectado instalar no punto de coordenadas UTM X: 540.926 / UTM Y: 4.781.602.

Liña de media tensión aérea a 20 kV, cunha lonxitude de 568 metros, en condutor tipo LA-110 (94-AL1/22ST1A, segundo UNE-EN 50182), coa orixe no paso aéreo-soterrado anterior e remate no punto de entroncamento coa rede de distribución existente de coordenadas UTM X: 541.293 / UTM Y: 4.781.187, propiedade de Unión Fenosa Distribución, S.A.

A relación concreta e individualizada dos propietarios dos bens ou dereitos afectados figura no anexo á presente resolución.

O que se fai público para coñecemento xeral ao dos propietarios dos predios que figuran na relación do anexo desta resolución, así como das persoas que sendo ben propietarios ben titulares de dereitos reais ou intereses económicos sobre os bens afectados que fosen omitidos, para que poidan examinar o expediente nesta xefatura territorial, sita no Edificio Administrativo Monelos, rúa Vicente Ferrer, 2, 1º e 2º piso, 15071 A Coruña, e presentar por escrito os datos oportunos para rectificar posibles erros na relación de persoas, bens e dereitos afectados, así como formular as posibles alegacións no prazo de 30 días, prazo que comezará a contar a partir do día seguinte ao da última publicación ou da notificación individual, por razón do disposto no artigo 145 do Real decreto 1955/2000 anteriormente citado.

Para idénticos efectos e durante un prazo de 30 días que comezará a contar a partir do día seguinte ao da publicación deste anuncio, poderase examinar o expediente no Concello de Cerceda. Remítirase ao concello coa mesma data á da presente resolución un exemplar do proxecto.

É de significar que esta publicación se realiza igualmente para os efectos determinados no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, cando os interesados sexan descoñecidos, se ignore o lugar ou o medio da notificación, ou ben, cando intentada a notificación, non se puidese realizar, e deste modo dirixir ao Ministerio Fiscal as dilixencias que se produzan sobre estes, de conformidade co artigo 5 da Lei do 16 de decembro de 1954, de expropiación forzosa.

A Coruña, 23 de xullo de 2012

Susana Vázquez Romero
Xefa territorial da Coruña

ANEXO

Relación de bens e dereitos afectados

Parcela				Propietario	Superficie afección
Nº	Polígono	Parcela	Referencia catastral	Apelidos, nome	Apoios		Servidume de voo			Servidume de proteción de treito aereo			Acceso	Servidume soterrada
					Nº	m2	Total ml	Total m2	Tipo de chan: monte alto	Total ml	Total m2	Tipo de chan: monte alto	m2	Total ml	Total m2
7	30	334	15024A03000334	Loureiro Bermúdez, Manuel			96, 24	962, 36	962, 36	96, 24	384 47	384 47	288, 61
9	30	41	15024A03000041	Parceiro Fuentes, Adolfina			17, 98	179, 81	179, 81	17, 98	163, 62	163, 62
12	30	35	15024A03000035	Herdeiros de Antonia Parceiro Fuentes			25, 39	253, 91	253, 91	25, 39	87, 31	87, 31	79, 05
15	30	36	15024A03000036	Grela Fuentes, José			2, 35	23, 53	23, 53	2, 35	23, 50	23, 50
17	30	32	15024A03000032	Herdeiros de Jesusa Mosquera Fuentes			0, 38	3, 75	3, 75	0, 38	13, 49	13, 49
19	30	158	15024A03000158	Liñares Canedo, José	2	19, 95	109, 48	1.094,81	1.094, 81	109, 48	392, 21	392, 21	75, 11
22	32	740	15024A03200740	Liñares Canedo, José			1, 76	17, 63	17, 63	1, 76	33, 83	33, 83
23	30	1	15024A03000001	Liñares Canedo, José			1, 50	14, 96	14, 96	1, 50	12, 38	12, 38
24	30	55	15024A03000055	Descoñecido							0, 37
25	32	73	15024A03200073	Descoñecido			0, 14	1, 39	1, 39