Visto o expediente para outorgamento de autorización administrativa e aprobación do proxecto de execución da instalación eléctrica:
Solicitante: Coto da Mina, S.A.
Domicilio social: parque San Lázaro, 7-1º. 32003 Ourense.
Denominación: 2ª ampliación subestación parque eólico O Irixo (fase I).
Situación: O Irixo.
Descricións técnicas:
Sistema de 132 kV en intemperie, esquema de simple barra composto por:
– 1 posición de transformador (T-2) completa.
– 1 transformador de potencia trifásico 132/20 kV 12/20 mVA, de intemperie, con illamento e arrefriado en baño de aceite, con regulación de tensión en carga por tomas no lado de alta tensión.
– Sistema de 20 kV, con esquema de simple barra, tipo interior, en celas blindadas de illamento SF6 (2 celas de liña, 1 cela de transformador de potencia, 1 cela de medida, 2 celas de batería de condensadores).
– Cada unha das posicións de 132 kV e 20 kV estará debidamente equipada cos elementos de manobra, medida e protección necesarios para a súa operación segura.
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que estime pertinente.
Ourense, 2 de decembro de 2011
Gabriel Diéguez Domínguez
Xefe territorial de Ourense
