Anuncio de licitación do contrato do servizo de monitores nas escolas municipais culturais das Pontes de García Rodríguez.
O Concello das Pontes de García Rodríguez vai contratar, por procedemento aberto con multiplicidade de criterios de adxudicación, o mencionado servizo.
Prezo do contrato: o importe anual de licitación é de 68.548,28 €, IVE incluído.
Lote 1: escola municipal de música e danza tradicional: 30.787,70 € anuais, IVE incluído.
Lote 2: escola municipal de baile moderno, danza clásica e flamenco: 37.760,58 € anuais, IVE incluído.
Prazo de execución: o contrato terá unha duración de dous anos prorrogables un ano máis.
Presentación de ofertas: o prazo será de quince (15) días naturais contados a partir do seguinte ao da publicación do último anuncio de licitación no Boletín Oficial da provincia ou no Diario Oficial de Galicia.
Documentación: os pregos están dispoñibles no perfil do contratante do Concello no enderezo www.aspontes.com
As Pontes de García Rodríguez, 2 de xullo de 2012
Antonio Alonso Román
Concelleiro delegado