Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Eléctrica Los Molinos, S.L. Elemol.
Domicilio social: avda. Pontevedra, 14 baixo. 36201 Ponte Caldelas.
Denominación: saídas media tensión subestación A Reigosa.
Situación: Ponte Caldelas.
Descricións técnicas: LMT subterránea de 80,5 metros desde a subestación A Reigosa ata o CT-PR1 e LMT subterránea de 2×91,5 metros desde a subestación A Reigosa ata o CT-PR2. O condutor das liñas é RHZ1 e a tensión de 20 kV. As instalacións están situadas na zona oeste do parque empresarial da Reigosa, Ponte Caldelas.
Cumpridos os trámites ordenados na Lei 54/1997 do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpoñer calquera outro recurso que estime pertinente ao seu dereito.
Pontevedra, 31 de maio de 2012
Ignacio Rial Santomé
Xefe territorial de Pontevedra