A Intervención Xeral da Comunidade Autónoma de Galicia, en execución do Plan de control financeiro 2008, aprobado de conformidade co disposto no artigo 107 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia (DOG nº 214, do 5 de novembro), e de acordo co previsto no artigo 94 do dito texto e no artigo 42 da Lei 9/2007, do 13 de xuño, de subvencións de Galicia (DOG nº 121, do 25 de xuño), está realizando un control financeiro a Traballos Agrícolas José e Andrés, S.L., en relación coa subvención percibida Axudas a programas agrarios de mellora técnica e desenvolvemento sustentable de procesos produtivos agrícolas, cofinanciada polo Fondo Europeo de Orientación e Garantía Agrícola no marco do Programa operativo integrado de Galicia 2000-2006.
De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente faise saber:
1. Que tentada a notificación do informe definitivo de control financeiro a Traballos Agrícolas José e Andrés, S.L., non foi posible practicala.
2. Que por medio do presente anuncio se pon de manifesto que Traballos Agrícolas José e Andrés, S.L. ou persoas debidamente autorizadas deberán comparecer no prazo de dez días contados desde o seguinte á publicación deste no Diario Oficial de Galicia, nas oficinas desta Subdirección Xeral de Auditoría de Fondos Comunitarios e Subvencións, sita no Edificio San Caetano, s/n, bloque nº 3 (Intervención Xeral da Comunidade Autónoma-Consellería de Facenda), de luns a venres, das 9.00 ás 14.00 horas, co obxecto de facerlles entrega do informe definitivo de control financeiro efectuado a Traballos Agrícolas José e Andrés, S.L.
3. Que, se rematado o prazo sinalado non compareceren, a notificación entenderanse producida para todos os efectos legais desde o día seguinte ao do vencemento do prazo para comparecer.
Santiago de Compostela, 11 de xullo de 2012
Jacinto Álvarez Somoza
Subdirector xeral de Auditorías de Fondos Comunitarios e Subvencións
