Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171. 15007 A Coruña.
Denominación: LAT 66 kV Carral-Eirís soterramento sub. Carral-AP228.
Situación: concello de Carral.
Características técnicas:
Instalación baixo a traza da liña AT aérea a 66 kV dun novo apoio 228-PAS de transición FL e retensado do condutor entre os apoios que se van instalar e o existente 229, en condutor AL-Ac 18,2, así como a desmontaxe dos apoios números 223, 224, 225, 226, 227 e 228 do tramo aéreo entre os apoios 222-PAS e 228.
Liña eléctrica de alta tensión subterránea a 66 kV, cunha lonxitude de 1.360 m, coa orixe no apoio 228-PAS e final na subestación de Carral, en condutor RHZ1 36/66 kV 1×630 mm² Al.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 22 de xuño de 2012
Susana Vázquez Romero
Xefa territorial da Coruña
