Carlos López Castro solicita desta Alcaldía licenza municipal para construción de nave para gando vacún de carne, fosa de xurro e oficina, que se situará en Cimadevila-A Mota. En cumprimento do disposto no artigo 8.3 do Decreto 133/2008, do 12 de xuño, en que se regula a avaliación de incidencia ambiental, sométese a información pública por período de vinte días hábiles, coa fin de que durante este tempo –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretenden instalar e formular por escrito as reclamacións ou observacións que estimen oportunas.

Guntín, 11 de xullo de 2012

Jesús Carreira Ferreiro
Alcalde