Susana Varela Amboage, secretaria xudicial do Xulgado do Social número 3 de Santiago de Compostela, fai saber que no procedemento de despedimento/cesamentos en xeral 106/2011 deste xulgado do social, seguido por instancia de Josefa Fraga Maza contra a empresa Peletería Pepe Nieto, S.L., Peletería Senda, S.L., María de Carme Hombre Porto e José Nieto Puente, S.C., Fogasa Fondo de Garantía Salarial, Carmen Hombre Porto, José Nieto Puente sobre ordinario, se ditou a seguinte resolución:
«Decido que debo estimar e estimo parcialmente a acción de resolución contractual promovida por Josefa Fraga Maza contra Peletería Senda, S.L., Peletería Pepe Nieto, S.L., Carmen Hombre Porto e José Nieto Puente Sociedad Civil, Carmen Hombre Porto, José Nieto Puente, administración concursal e Fogasa e en consecuencia ao ser extinguida a relación laboral da demandante por auto do 16 de marzo de 2011 do Xulgado do Mercantil número 2 da Coruña, condeno solidariamente a Peletería Senda, S.L. e Peletería Pepe Nieto, S.L. a aboarlle á demandante a diferenza de indemnización a razón de 45 días (22.403,56 euros) respecto da calculada polo Xulgado do Mercantil por concorrer un incumprimento imputable ao empresario, o que comporta un total para aboar de 13.091,32 euros.
Estimo a acción acumulada de reclamación de cantidade e condeno solidariamente a Peletería Senda, S.L. e Peletería Pepe Nieto, S.L. a aboarlle á demandante 2.352,32 euros.
Condeno o Fogasa e a administración concursal a estar e pasar polos anteriores pronunciamentos.
Absolvo a Carmen Hombre Porto e José Nieto Puente, S.C. e a Carmen Hombre Porto e José Nieto Puente das pretensións de condena formuladas contra eles.
Notifíqueselles a presente resolución ás partes e fágaselles saber que contra ela poden interpoñer recurso de suplicación no prazo de cinco días desde a notificación da presente resolución, logo de consignación da cantidade obxecto de condena e do importe de 300 euros.
Lévese o orixinal desta resolución ao libro de sentenzas e déixese testemuño nas actuacións.
Así o acordo, mando e asino.
A maxistrada xuíza».
E para que sirva de notificación en legal forma a María de Carme Hombre Porto e José Nieto Puente, S.C., Carmen Hombre Porto e José Nieto Puente, expido este para a súa inserción no Diario Oficial de Galicia.
Santiago de Compostela, 28 de xuño de 2012
A secretaria xudicial