Por Resolución do 3 de maio de 2012 (DOG núm. 87, do 8 de maio), esta secretaría xeral técnica adxudicou provisionalmente as oficinas de farmacia que resultaron vacantes tras o remate da primeira fase do concurso de adxudicación convocado pola Resolución do 29 de decembro de 2006.

Na dita resolución adxudicábase a oficina con código B1, correspondente á área sanitaria do Barco, zona farmacéutica O Barco de Valdeorras, delimitación territorial O Barco (San Amaro) a Ricardo Taboada Arjona.

O Colexio Oficial de Farmacéuticos da Coruña puxo en coñecemento da Consellería de Sanidade circunstancias sobrevidas que obrigan a unha nova adxudicación provisional da dita oficina de farmacia.

Por todo o exposto, esta secretaría xeral técnica

RESOLVE:

1. Adxudicar provisionalmente a oficina de farmacia con código B1, correspondente á área sanitaria do Barco, zona farmacéutica O Barco de Valdeorras, delimitación territorial O Barco (San Amaro) a Mª Lourdes Álvarez Fernández.

2. Ordenar a publicación desta resolución, que se exporá tamén nos taboleiros de anuncios da Consellería de Sanidade, nos das súas xefaturas territoriais, e que poderá consultarse na páxina oficial da Consellería de Sanidade (www.sergas.es).

Esta resolución non pon fin á vía administrativa e poderase interpor contra ela un recurso de alzada no prazo dun mes perante a conselleira de Sanidade, conforme o disposto no artigo 114.1 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, e o disposto na disposición adicional terceira número 3 do Decreto 146/2001, do 7 de xuño, sobre planificación, apertura, traslado, cerramento e transmisión de oficinas de farmacia.

Santiago de Compostela, 20 de xuño de 2012

Antonio Fernández-Campa García Bernardo
Secretario xeral técnico da Consellería de Sanidade