WO Pleno do Concello de Ortigueira, en sesión ordinaria realizada o 25 de xuño de 2012, aprobou definitivamente o estudo de detalle referente a ordenar, completar e reaxustar a aliñación interior nun soar sito na rúa Luciano Pita, 27, da vila de Santa Marta de Ortigueira, redactado polo arquitecto Luis Francisco Díaz Fuentes e promovido por Carmen Caula Villar.
O acto de aprobación definitiva do citado estudo de detalle foi comunicado á Consellería de Medio Ambiente, Territorio e Infraestruturas o 28 de xuño de 2012, en cumprimento do disposto no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, e déuselle traslado, así mesmo, de dous exemplares do instrumento aprobado definitivamente con todos os planos e os documentos que o integran debidamente dilixenciados pola secretaría do concello.
Contra o acordo de aprobación definitiva, que pon fin á vía administrativa, poderase interpoñer recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao de publicación deste anuncio.
Ortigueira, 28 de xuño de 2012
Rafael J. Girón Martínez
Alcalde