Visto o expediente para outorgamento de autorización administrativa e aprobación do proxecto de execución das instalacións eléctricas que a seguir se cita:
Solicitante: BEGASA.
Domicilio social: r/ Cidade de Viveiro, 4, 1º, 27002 Lugo.
Denominación: conexión centro de seccionamento a rede de BEGASA.
Situación: concello de Viveiro.
Características técnicas: desprazamento dun tramo de liña de media tensión soterrada con orixe no centro de seccionamento que vai instalar o aboado e final no CTC 11755 Junquera, retíranse 49 metros de condutor tipo R.H.Z.-240, para o posterior tendido de 39 metros dese mesmo condutor por canalización proxectada.
L.M.T.S. a 20 kV, con orixe nun empalme proxectado sobre o circuíto existente e final no centro de seccionamento que vai instalar o aboado (cesión á compañía distribuidora), cunha lonxitude proxectada de 88 metros de condutor proxectado tipo R.H.Z.-240.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independientemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 5 de xuño de 2012
José Manuel Vázquez Leirado
Xefe territorial de Lugo