Por Resolución do 3 de maio de 2012 da Secretaría Xeral Técnica da Consellería de Sanidade fíxose pública a lista de adxudicación provisional no concurso público de novas oficinas de farmacia, convocado pola Resolución do 29 de decembro de 2006, correspondente ás oficinas de farmacias que resultaron vacantes por mor de renuncias dos adxudicatarios ou da caducidade das adxudicacións reflectidas na Resolución do 28.2.2009 da conselleira de Sanidade.

Tras a análise dos recursos presentados, corresponde adxudicar con carácter definitivo as farmacias de acordo co disposto no artigo 27.2 do Decreto 146/2001, do 7 de xuño, sobre planificación, apertura, traslado, peche e transmisión de oficinas de farmacia.

Polo exposto, en virtude das facultades que me confire o artigo 34 da Lei 1/1983, do 22 de febreiro, da Xunta e do seu presidente, e de conformidade cos acordos-proposta da comisión de valoración,

RESOLVO:

Adxudicar, con carácter definitivo, a autorización para a instalación das oficinas de farmacia do concurso público convocado pola Resolución do 29 de decembro de 2006 da Secretaría Xeral da Consellería de Sanidade, segundo figura no anexo desta resolución, sen prexuízo da ulterior adxudicación da farmacia B1.

Os interesados poderán interpoñer recurso contencioso-administrativo de acordo co establecido no artigo 14.1 regra segunda, da Lei 29/1998, do 13 de xullo, reguladora da xurisdición contencioso-administrativa (modificada pola Lei 37/2011, do 10 de outubro, de medidas de axilización procesual). O prazo será de dous meses que se contarán desde o día seguinte ao da publicación desta no Diario Oficial de Galicia, de conformidade co artigo 46 da dita Lei 9/1998.

Santiago de Compostela, 20 de xuño de 2012

Rocío Mosquera Álvarez
Conselleira de Sanidade

ANEXO