A instrutora do expediente sancionador por infracción urbanística 107 C 2011/70-0 ditou, o 15 de maio de 2012, proposta de resolución na cal se propón impoñer unha sanción consistente en multa a José Ramón Carid Pérez e Flora Blanco González, como responsables dunha infracción urbanística moi grave, consistente na construción dunha vivenda unifamiliar, no lugar de Ribela, no concello de Coles.
Ao non poderse realizar a notificación persoal daquela resolución, mediante a presente cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselles aos interesados o devandito acordo.
Tendo en conta que, en atención ao previsto no artigo 61 da LRXPAC, o acto non se publica na súa integridade, comunícaselles aos interesados que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Os interesados dispoñen dun prazo de quince (15) días hábiles, que se contarán desde o día seguinte a aquel en que se producise a notificación, para formular alegacións e presentar os documentos e xustificacións que consideren pertinentes.
Para que conste e lles sirva de notificación aos citados interesados, en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 5 de xuño de 2012
P.S. (Artigo 3 do Dereto 51/2008, do 6 de marzo; DOG nº 59, do 27 de marzo)
José María Domínguez Blanco
Subdirector da Axencia de Protección da Legalidade Urbanística