Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Electra de Santa Comba, S.L.

Domicilio social: r/ Miraflores, nº 20 baixo.15840 Santa Comba.

Denominación: L.M.T.S. Santa Cataliña derivación a C.T. Fontaíñas.

Situación: concello de Santa Comba.

Características técnicas:

Liña de media tensión subterránea a 20 kV, cunha lonxitude de 93 m, con orixe no apoio da L.M.T. Francos-Santa Cataliña, nº 36b HVH 15/3500 de nova execución, condutor tipo R.H.Z.1-2OL-12/20 kV-3(1×240 Al) e final no C.S. Fontaíñas.

Liña de media tensión aérea a 20 kV, cunha lonxitude de 12 m, con orixe no apoio da L.M.T. Francos-Santa Cataliña nº 37 existente e final no nº 36b HVH 15/3500 de nova execución, condutor tipo LA 56.

Instalación dunha nova cela de protección de saída de liña no C.S. Fontaíñas existente.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 30 de maio de 2012

Susana Vázquez Romero
Xefa territorial da Coruña