Por Orde da Consellería de Economía e Industria do 16 de febreiro de 2012 (DOG do 24 de febreiro) convocáronse as subvencións para a consolidación e a estruturación de unidades de investigación competitivas nos centros tecnolóxicos de Galicia.

No seu artigo 14 regúlase a resolución e notificación destas axudas unha vez que a comisión de valoración emita o informe no que se recolla o resultado da avaliación efectuada e a contía da axuda proposta.

Unha vez constituída a Axencia Galega de Innovación, establecida no Decreto 50/2012, do 12 de xaneiro (DOG nº 19, do 27 de xaneiro), polo que se crea a Axencia Galega de Innovación e se aproban o seus estatutos, e de acordo co disposto na disposición adicional primeira do mesmo quedou suprimida a Dirección Xeral de Investigación, Desenvolvemento e Innovación da Consellería de Economía e Industria, subrogándose a Axencia na totalidade dos seus dereitos e obrigas derivados do exercicio das correspondentes competencias e sucedéndoa en todas as súas competencias.

Consecuentemente con todo o anterior e no exercicio das facultades que me confire o artigo 17.3 do Decreto 50/2012, de 12 de xaneiro,

RESOLVO:

1. Conceder as axudas para a consolidación e estruturación de unidades de investigación competitivas nos centros tecnolóxicos de Galicia que a continuación se relacionan polos importes que se indican:

2. O importe total das axudas concedidas é de tres millóns catorce mil catrocentos setenta e un euros con sete céntimos (3.014.471,07), coa distribución por aplicacións orzamentarias que se recolle no seguinte cadro:

3. De conformidade co establecido no artigo 21 da orde de convocatoria, o 50% do importe das axudas será librado con carácter de anticipo, unha vez publicada esta resolución.

4. Para a xustificación da subvención deberá presentarse a documentación indicada no artigo 19 da orde de convocatoria, nos prazos establecidos no seu artigo 20.

5. Contra esta resolución, sen prexuízo de que os interesados poidan exercer calquera outro que consideren procedente, poderán interpoñer recurso de alzada no prazo dun mes desde o día seguinte ao da publicación desta resolución no Diario Oficial de Galicia, perante o presidente da Axencia Galega de Innovación, segundo o disposto nos artigos 114 e 115 da Lei 30/1992, de réxime xurídico das administracións públicas e do procedemento administrativo común.

Disposición derradeira. Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 19 de xuño de 2012

Ricardo Capilla Pueyo
Director da Axencia Galega de Innovación