Examinados os expedientes de extinción e liquidación das fundacións para o desenvolvemento comarcal presentados ante este protectorado de fundacións, e conforme os seguintes antecedentes e consideracións legais e técnicas, antecedentes:
1. Con datas do 14, 18, 19 e 20 de xuño de 2012 tiveron entrada nesta secretaría xeral técnica escritos do director xeral de Desenvolvemento Rural polos que se remiten as escrituras notariais de elevación a público dos acordos sociais de extinción das fundacións para o desenvolvemento das comarcas, conforme o previsto no Acordo do Consello da Xunta do 13 de xaneiro de 2011.
2. As fundacións para o desenvolvemento das comarcas que se citan foron constituídas en escritura pública outorgadas polas notarías e nas datas que se indican a seguir. Tamén foron clasificadas como mixtas e declaradas de interese galego segundo as datas de publicación no Diario Oficial de Galicia que se sinalan:
Comarca |
Notaría |
Lugar constitución |
Data constitución |
Nº protocolo |
Publicación clasificación |
Publicación declaración interese galego |
Muros |
Constantino Castellano Collados |
Muros |
3.2.1999 |
137 |
23.4.1999 |
10.5.1999 |
Noia |
José Manuel Amigo Vázquez |
Noia |
3.2.1999 |
263 |
22.4.1999 |
7.5.1999 |
Terra deTrives |
Fernando Gutiérrez Valdenebro |
A Pobra de Trives |
23.12.1994 |
421 |
6.2.1995 |
30.3.1995 |
Arzúa |
Francisco López Moledo |
Arzúa |
19.12.1994 |
1.360 |
2.2.1995 |
21.2.1995 |
Ortegal |
Inmaculada Espiñeira Soto |
Ortigueira |
25.11.1994 |
510 |
21.12.1994 |
31.3.1995 |
Santiago |
Manuel Peregil Cambón |
Santiago de Compostela |
30.7.2001 |
1.621 |
7.9.2001 |
14.9.2001 |
Eume |
Isidoro Antonio Calvo Vidal |
Pontedeume |
31.7.2001 |
1.028 |
7.9.2001 |
14.9.2001 |
Verín |
Alfonso Castro Lago |
Verín |
9.2.1999 |
177 |
22.4.1999 |
7.5.1999 |
Betanzos |
Luis Gómez Varela |
Betanzos |
10.11.2000 |
3.622 |
9.4.2001 |
17.4.2001 |
Terra de Caldelas |
María Teresa Sanahuja Cambra |
Castro Caldelas |
9.2.1999 |
52 |
21.4.1999 |
10.5.1999 |
Ordes |
Jesús María Rodríguez Vázquez |
Ordes |
19.12.1994 |
1.277 |
6.2.1995 |
31.3.1995 |
Terra Chá |
Juan Cora Guerreiro |
Vilalba |
24.11.1994 |
1.655 |
21.12.1994 |
13.1.1995 |
A Ulloa |
Mariano Pablo Melendo Martínez |
Palas de Rei |
24.11.1994 |
197 |
21.12.1994 |
13.1.1995 |
A Fonsagrada |
José Antonio Aparicio Colomer |
Ribadavia |
28.11.1994 |
446 |
21.12.1994 |
13.1.1995 |
Terra de Celanova |
Francisco Javier de las Fuentes Abad |
Celanova |
30.11.1994 |
664 |
21.12.1994 |
13.1.1995 |
O Ribeiro |
Francisco León Gómez |
Ribadavia |
30.11.1994 |
1.029 |
21.12.1994 |
6.2.1995 |
Deza |
Victorino Gutiérrez Aller |
Lalín |
2.12.1994 |
1.769 |
2.2.1995 |
24.2.1995 |
Terra de Lemos |
María José Rodríguez Tourón |
Monforte de Lemos |
7.12.1994 |
988 |
2.2.1995 |
22.2.1995 |
Valdeorras |
José Guillermo Rodrigo Rodicio |
O Barco de Valdeorras |
7.12.1994 |
1.840 |
1.2.1995 |
1.3.1995 |
O Salnés |
José Ángel Dopico Álvarez |
Cambados |
9.12.1994 |
2.587 |
1.2.1995 |
21.2.1995 |
O Baixo Miño |
María Ángeles Otero Seivane |
Tui |
9.12.1994 |
1.523 |
6.2.1995 |
30.3.1995 |
O Carballiño |
César M. Fernández-Casqueiro Domínguez |
O Carballiño |
14.12.1994 |
309 |
2.2.1995 |
24.2.1995 |
Os Ancares |
José Ramón Barrasa Rivera |
Becerreá |
15.12.1994 |
597 |
1.2.1995 |
22.2.1995 |
Bergantiños |
Alberto Goday Portals |
Carballo |
16.12.1994 |
2.364 |
1.2.1995 |
1.3.1995 |
Melide |
María del Carmen Carreira Simón |
Melide |
19.12.1994 |
1.246 |
1.2.1995 |
28.2.1995 |
A Paradanta |
Isabel Fiteira García |
A Cañiza |
22.12.1994 |
484 |
2.2.1995 |
28.2.2005 |
Tabeirós-Terra de Montes |
Nelson Rodicio Rodicio |
A Estrada |
23.12.1994 |
1.947 |
2.2.1995 |
24.2.1995 |
A Mariña Occidental |
Luis Muíño Fidalgo |
Viveiro |
1.2.1999 |
102 |
20.4.1999 |
10.5.1999 |
Caldas |
Carmen Alicia Calaza López |
Caldas de Reis |
2.2.1999 |
149 |
22.4.1999 |
7.5.1999 |
Chantada |
Daniel Balboa Fernández |
Chantada |
5.4.2000 |
463 |
4.8.2000 |
27.10.2000 |
O Morrazo |
María Ángeles Otero Seivane |
Cangas |
6.11.2000 |
1.856 |
9.4.2001 |
17.4.2001 |
A Mariña Central |
Francisco Manuel Mariño Pardo |
Mondoñedo |
10.11.2000 |
1.173 |
9.4.2001 (Corrección erros 17.4.2001) |
17.4.2001 |
A Mariña Oriental |
María del Rocío de la Hera Ortega |
Ribadeo |
30.7.2001 |
53 |
7.9.2001 |
14.9.2001 |
As referidas fundacións foron constituídas para pór en marcha accións xenéricas enunciadas no Plan de Desenvolvemento Comarcal, deseñar programas, solicitar a súa implementación aos organismos correspondentes e animar e incentivar a participación dos sectores e axentes económicos e sociais a que vai dirixido, así como acometer actuacións, programas e accións e proxectos que contribúan e incidan no desenvolvemento territorial, económico e social da comarca.
3. En cumprimento do disposto no artigo 114 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, e pola condición das ditas fundacións como fundacións pertencentes ao sector público, a extinción delas foi autorizada polo Consello da Xunta na súa reunión do día 13 de xaneiro de dous mil once.
Consideracións legais e técnicas:
Primeiro. Esta consellería é competente para coñecer este expediente en uso das facultades que lle confire o artigo 44.3 da Lei 12/2006, do 1 decembro, de interese galego, en relación co disposto no Decreto 13/2012, do 4 de xaneiro, polo que se fixa a estrutura orgánica dos departamentos da Xunta de Galicia, e no Decreto 46/2012, do 19 de xaneiro, polo que se establece a estrutura orgánica da Consellería do Medio Rural e do Mar e do Fondo Galego de Garantía Agraria e conforme o previsto na Orde do 30 de marzo de 2012, de delegación de competencias no secretario xeral técnico, secretarios xerais e xefes territoriais da Consellería do Medio Rural e do Mar e no presidente do Consello de Administración do ente público Portos de Galicia.
Segundo. O artigo 16.tres da Lei 15/2010, do 28 de decembro, de medidas fiscais e administrativas, autoriza o Consello da Xunta para extinguir as fundacións para o desenvolvemento das comarcas por imposibilidade de realizar o fin fundacional. O mesmo artigo dispón que o acordo do Consello da Xunta polo que se autorice a extinción determinará a apertura do procedemento de liquidación, conforme o previsto no artigo 46 da Lei 12/2006.
Así mesmo, indica que tras o remate das operacións de liquidación e previamente á inscrición no Rexistro de Fundacións de Interese Galego, o protectorado ratificará o acordo de extinción das anteditas fundacións.
De conformidade co disposto no artigo 44.6 da citada Lei 12/2006, o acordo de extinción inscribirase no Rexistro de Fundacións de Interese Galego.
Terceiro. Con datas do 14, 18, 19 e 20 de xuño de 2012, as anteditas fundacións achegan escrituras públicas formalizadas os días 11, 14, 18, 19 e 20 de xuño de 2012, ante o notario de Santiago de Compostela, José Manuel Amigo Vázquez, nas cales se recolle o contido das actas das sesións dos padroados nas cales se aproba a liquidación, documentación acreditativa da adxudicación do haber resultante, así como documentos contables referidos aos peches das contabilidades.
Cuarto. De conformidade co artigo 46.4 da Lei 12/2006, aprobadas as actuacións de liquidación das fundacións e adxudicado o haber resultante, estas actuacións serán comunicadas ao protectorado, que verificará as cancelacións e promoverá as inscricións que procedan, entre elas a extinción da fundación, no Rexistro de Fundacións de Interese Galego.
Quinto. Conforme o disposto no artigo 50.8 do Decreto 14/2009, do 21 de xaneiro, do Regulamento de Fundacións de Interese Galego, «realizada de conformidade a liquidación e a adxudicación do haber resultante desta, o Protectorado promoverá a súa inscrición, así como a da extinción da fundación e a correspondente dilixencia de peche da folla do Rexistro de Fundacións de Interese Galego».
O artigo 39.4 do Decreto 15/2009, do 21 de xaneiro, polo que se aproba o Regulamento do Rexistro de Fundacións de Interese Galego, establece que, inscrita a extinción e posterior liquidación, se cancelarán de oficio os asentos da fundación extinguida.
Polo exposto, á vista da documentación presentada e da normativa de aplicación, este protectorado
RESOLVE:
1. Ratificar os acordos de extinción aprobados polos padroados das fundacións para o desenvolvemento das comarcas de Muros, Noia, Terra de Trives, Arzúa, Ortegal, Santiago, Eume, Verín, Betanzos, Terra de Caldelas, Ordes, Terra Chá, A Ulloa, A Fonsagrada, Terra de Celanova, O Ribeiro, Deza, Terra de Lemos, Valdeorras, O Salnés, O Baixo Miño, O Carballiño, Os Ancares, Bergantiños, Melide, A Paradanta, Tabeirós-Terra de Montes, A Mariña Occidental, Caldas, Chantada, O Morrazo, A Mariña Central e A Mariña Oriental, autorizados polo Consello da Xunta do día 13 de xaneiro de 2011.
2. Ordenar a inscrición do acordo no Rexistro de Fundacións de Interese Galego, sección da Consellería do Medio Rural e do Mar.
3. Inscribir no Rexistro de Fundacións de Interese Galego a extinción das fundacións para o desenvolvemento das anteditas comarcas e dilixenciar de baixa a fundación no rexistro.
Contra a presente resolución, que esgota a vía administrativa, poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses desde a notificación, de conformidade co disposto no artigo 4 da Lei 29/1998, do 13 de xuño, reguladora da xurisdición contencioso-administrativa. Potestativamente, poderase interpoñer recurso potestativo de reposición ante o mesmo órgano que ditou o acto, no prazo dun mes desde a notificación, ou de tres meses a partir do día seguinte ao acto presunto, de conformidade co disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común. Non se poderá interpoñer o recurso contencioso-administrativo ata a resolución expresa ou presunta do recurso de reposición interposto.
Santiago de Compostela, 21 de xuño de 2012
Francisco José Vidal-Pardo Pardo
Secretario xeral técnico da Consellería do Medio Rural e do Mar