Ferreiro Rial, S.C. solicitou desta alcaldía licenza municipal para proxecto de legalización de actividade e construción de almacén, balsa de xurro e alpendre para gando vacún, que se situará no Rial (polígono 15 parcela 6). En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde o día seguinte ao da inserción deste edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que xulguen oportunas.
Antas de Ulla, 29 de maio de 2012
Javier Varela Pérez
Alcalde