Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: r/ Cidade de Viveiro, 4, 1º, 27002 Lugo.
Denominación: modificado de proxecto nova L.M.T.A. da subestación de Magazos L.M.T. Viveiro 3.
Situación: concello de Viveiro.
Características técnicas:
– L.M.T.S. a 20 kV Viveiro 3, con orixe na subestación de Magazos e final nunha cela de liña proxectada no C.T.C. 14415 (Súper Claudio), cunha lonxitude de 2.742 metros de condutor proxectado tipo R.H.Z.-240.
– L.M.T.S. a 20 kV, con orixe nunha cela de liña proxectada no C.T.C. 14415 (Súper Claudio) e final nun empalme coa liña existente que alimenta o C.T. Adosados Paraíso, cunha lonxitude de 415 metros de condutor proxectado tipo R.H.Z.-240.
– Adecuación do C.T.C. 14415 (Súper Claudio), consistente na instalación de dúas celas de liña para a conexión das L.M.T. proxectadas.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 25 de maio de 2012
José Manuel Vázquez Leirado
Xefe territorial de Lugo
