O Pleno da Corporación Municipal, en sesión realizada o 28 de maio de 2012, adoptou o seguinte acordo:

Primeiro. Prestar aprobación definitiva ao Plan Especial de Dotacións e Infraestruturas da zona E69B, no Rebel-Sanxenxo, con estimación das alegacións formuladas, nos termos e alcance que se reflicten nos informes do arquitecto municipal do 19 de febreiro e da asesora xurídica do 27 de febreiro de 2009.

Segundo. Publicar o acordo de aprobación definitiva do Plan Especial de Dotacións e Infraestruturas da zona E69B, no Rebel-Sanxenxo, no prazo dun mes desde a súa adopción no Diario Oficial de Galicia, e o documento que conteña a normativa e as ordenanzas no Boletín Oficial de Pontevedra, ao abeiro do disposto no artigo 92.2 da Lei 9/2002, do 30 de decembro, de ordenación urbanística e protección do medio rural de Galicia. E notificar o dito acordo persoalmente aos propietarios afectados e ás demais persoas interesadas que constan no expediente.

Terceiro. Comunicarlle á Consellería de Medio Ambiente, Territorio e Infraestruturas, conforme o disposto no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, o acordo de aprobación definitiva do Plan Especial de Dotacións e Infraestruturas do zona E69B, no Rebel-Sanxenxo, e á vez darlle traslado dunha copia autenticada de dous exemplares do instrumento aprobado definitivamente con todos os planos e documentos que integran o plan sobre o que se tivese ditado o acordo de aprobación definitiva, debidamente dilixenciados polo secretario do concello, facendo constar este aspecto.

Cuarto. Segundo o disposto no artigo 14 da Lei 9/2006, do 28 de abril, sobre avaliación dos efectos de determinados plans e programas no ambiente, unha vez aprobado definitivamente o plan especial, póñase este á disposición do órgano autonómico competente en materia ambiental, das outras administracións que no curso da súa tramitación foron consultadas e do público, coa documentación que se refire no indicado precepto.

Con data do 1 de xuño de 2012 remitiuse á Consellería de Medio Ambiente, Territorio e Infraestruturas unha copia autenticada de dous exemplares do instrumento aprobado definitivamente con todos os planos e documentos que integran este plan.

Contra este acordo que pon fin á vía administrativa poderase interpor un recurso contencioso-administrativo no prazo de dous meses contados desde o día seguinte ao da publicación deste anuncio, perante o Tribunal Superior de Xustiza de Galicia, sen prexuízo de calquera outro recurso ou acción que coiden oportuno.

De conformidade co artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, notifícaselles o acordo que nel se contén a todos os propietarios que sexan descoñecidos, se ignore o lugar da notificación ou ben, intentada esta, non se puidese practicar.

Sanxenxo, 4 de xuño de 2012

Catalina González Bea
Alcaldesa