De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (en diante LRXPAC), notifícaselle ás persoas que se relacionan no anexo o acordo de iniciación ditado no expediente sancionador por infracción da Lei orgánica 1/1992, do 21 de febreiro, de protección da seguridade cidadá, por non ser posible a súa notificación por correo certificado.

A competencia para impoñer esta clase de sancións corresponde aos xefes territoriais da Consellería de Presidencia, Administracións Públicas e Xustiza, segundo o Real decreto 1640/1996, do 5 de xullo, desenvolvido polo Decreto 360/1996, do 26 de setembro, de atribución aos órganos da Comunidade Autónoma de Galicia do exercicio da potestade sancionadora en materia de espectáculos públicos, en relación co artigo 29.1 da LOSC e a disposición transitoria primeira do Decreto 245/2009, do 30 de abril, polo que se regulan as delegacións territoriais da Xunta de Galicia (Diario Oficial de Galicia do 1 de maio).

Infórmase de que, de conformidade co disposto no artigo 135 da LRXPAC e nos artigos 3, 18 e 19 do Regulamento do procedemento para o exercicio da potestade sancionadora (Real decreto 1398/1993, do 4 de agosto), conta cun prazo de quince días hábiles contados desde a publicación para exercer perante o/a instrutor/a o dereito de audiencia e formular alegacións, así como examinar o expediente nestas dependencias. Igualmente poderá exercer o dereito de recusación nos casos e na forma prevista no artigo 29 da LRXPAC.

A tramitación dos expedientes realízase na oficina desta Xefatura Territorial da Consellería de Presidencia, Administracións Públicas e Xustiza, sita na planta 9 do edificio administrativo da Xunta de Galicia en Pontevedra, rúa Fernández Ladreda, 43, Pontevedra.

No suposto de non efectuar alegacións sobre o contido da iniciación do procedemento no prazo indicado, a iniciación poderá ser considerada proposta de resolución cos efectos previstos nos artigos 18 e 16 do Real decreto 1398/1993.

Pontevedra, 21 de maio de 2012

Ramón Pereiro Santín
Xefe territorial de Pontevedra

ANEXO

Número de expediente: PO-158/12 NL.

NIF: B36989291

Denunciada: Copa Vigo, S.L.

Enderezo: r/ Jesús Fernández, 19-baixo, 36205 Vigo.

Establecemento: Copa Vigo, r/ Jesús Fernández, 19-baixo, 36205 Vigo.

Precepto infrinxido: artigo 23.e) da Lei orgánica 1/1992, do 21 de febreiro.

Número de expediente: PO-174/12 NL.

NIF: 36091977D.

Denunciado: Ramiro Candeira Cuíñas.

Enderezo: r/ Pizarro, 33, 2 CN, 36204 Vigo.

Establecemento: La Grieta, r/ Iglesias Esponda, 5-baixo, 36201 Vigo.

Precepto infrinxido: artigo 23.e) da Lei orgánica 1/1992, do 21 de febreiro.