Para os efectos previstos na Lei 54/1997, do 27 de novembro, e no Real decreto 1955/2000, do 1 de decembro, sométese a información pública a petición de autorización da instalación eléctrica que se cita:
Solicitante: Gas Natural Fenosa Renovables, S.L.
Domicilio social: Plaza del Gas, 1, 08003 Barcelona.
Denominación: liña de media tensión 20 kV a C.H. Peares II.
Situación: concello de Carballedo.
Características técnicas:
– L.M.T. a 20 kV soterrada en canalización entubada, en canaleta rexistrable, en soportes amarrados a paredes e teitos, con orixe nun paso aéreo a soterrado situado nun apoio existente nº 5 da LMTPRS809 (Poboado 9) da subestación de Peares e final na futura cela de liña do centro de transformación, servizos auxiliares Peares II, cunha lonxitude de 477 metros en condutor tipo R.H.Z.1-2OL (AS)-12/20 kV/3×(1×95) mm2.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, no prazo de vinte días.
Lugo, 1 de xuño de 2012
José Manuel Vázquez Leirado
Xefe territorial de Lugo