Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Unión Fenosa Distribución, S.A.

Domicilio social: travesía de Vigo 204, 36207 Vigo.

Denominación: L.M.T.S. cambio sección BAL 730.

Situación: Vigo.

Características técnicas: L.M.T. subterránea a 15 kV con condutor tipo R.H.Z.1. de 804 metros de lonxitude, con orixe no C.T. Veiguiña (36C814) punto A, e final no empalme proxectado no punto H, á altura do C.T. Atlántida 2 (36S823); a instalación está diferenciada en catro actuacións: tramo A-B 277 metros, tramo C-D 21 metros, tramo E-F 288 metros e tramo G-H 218 metros e está situada na avda. Atlántida e o camiño Veiguiña, Vigo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, ed. administrativo avda. Fernández Ladreda 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 22 de maio de 2012

Ignacio Rial Santomé
Xefe territorial de Pontevedra