As entidades que se citan solicitaron da Xerencia Municipal de Urbanismo licenzas urbanísticas para as actividades e nas localizacións que a seguir se indican:

1. Solicitante: Alento, Asociación de Dano Cerebral; actividade: ampliación de licenza de centro de día, centro ocupacional e residencia para persoas con dano cerebral adquirido; situación: rúa da Pedra Seixa, esquina rúa Poza Cabalo; expedientes: 76459/421 e 37434/422.

2. Solicitante: Outlet Galicia, S.L.; actividade: venda de roupa; situación: avda. Ricardo Mella nº 111; expediente: 39058/422.

3. Solicitante: Pinturas Hempel, S.A.; actividade: almacén de pinturas; situación: peirao de reparacións de Bouzas; expedientes: 76051/421 e 39092/422.

De conformidade co artigo 8.3º do Decreto 133/2008, do 12 de xuño, polo que se regula a avaliación de incidencia ambiental, sométense os expedientes á información pública por un prazo de vinte días mediante anuncio no DOG, BOP e a exposición no taboleiro de anuncios da Xerencia Municipal de Urbanismo, para que quen se considere afectado dalgún xeito pola actividade que se pretende establecer poida alegar o que considere oportuno.

O prazo de información pública entenderase aberto desde o día seguinte ao da publicación do primeiro anuncio e rematará transcorridos os vinte días desde o día seguinte ao da publicación do derradeiro anuncio. Os expedientes atópanse á disposición do público en xeral e pódense consultar na oficina de Arquivo e Control da Xerencia Municipal de Urbanismo (planta 1 do edificio da xerencia, sito na praza do Rei 4, Vigo).

Vigo, 15 de maio de 2012

Mª del Carmen Silva Rego
Concelleira delegada da Área de Urbanismo, Cascos Históricos e Grandes Proxectos