Reparaciones del Automóvil Romero, S.L. solicitou da alcaldía licenza municipal de acondicionamento e actividade para apertura dun establecemento dedicado a taller de reparación de vehículos automóbiles-carrozarías, que se situará en Penedos, Ferreiros, Budiño (estrada O Porriño-Salceda de Caselas (PO-510), km 2, Vaquería, desta localidade. En cumprimento do disposto no artigo 8.3º do Decreto 133/2008, do 12 de xuño, polo que se regula a avaliación da incidencia ambiental, sométese a información pública por período de vinte días hábiles, co fin de que durante este –que empezará a contar desde o día seguinte ao da inserción do presente anuncio no Diario Oficial de Galicia e no Boletín Oficial da provincia de Pontevedra– poidan examinar o expediente AM/10/12, na sección de Urbanismo deste concello as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que consideren oportunas.

O Porriño, 2 de maio de 2012

José Nelson Santos Argibay
Alcalde