A directora da Axencia de Protección da Legalidade Urbanística, con data do 30 de abril de 2012, ditou resolución mediante a que se apercibe a José Manuel Rodríguez Montero da execución forzosa da Resolución do 4 de marzo de 1998, recaída no expediente número SIL/78/2012 (S-73/1997), pola que se lle ordenou devolver os terreos ao estado anterior á execución das obras de construción dunha edificación de planta baixa e alpendre illado dentro da servidume de protección do dominio público marítimo-terrestre, no lugar de praia da Postiña-Fornos, termo municipal de Cariño (A Coruña).

Ao non poder realizarse a notificación persoal, mediante a presente cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado o devandito apercibimento.

Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao interesado que o texto íntegro do apercibimento que se lle notifica está ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar-Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

Contra este apercibimento non cabe interpoñer recurso ningún.

Para que conste e lle sirva de notificación ao destinatario arriba indicado, en cumprimento do disposto no artigo 59.5º da citada Lei 30/1992, do 26 de novembro, expido e asino esta cédula.

Santiago de Compostela, 23 de maio de 2012

José María Domínguez Blanco
Subdirector da Axencia de Protección da Legalidade Urbanística