O Pleno da Corporación, na sesión ordinaria que tivo lugar o día 26 de abril de 2012, adoptou, entre outros, o seguinte acordo:

a) Aprobar inicialmente a modificación puntual do Plan Xeral de Ordenación Municipal no ámbito do solo urbanizable non delimitado 3, A Torreira-Sarela, segundo o proxecto presentado por Tabeirós Gestión Global de Inmuebles, S.L. o día 7 de marzo de 2012, con exclusión dos planos 2 e 3.

b) Someter o acordo a información pública durante o prazo de dous meses, mediante anuncio no taboleiro de edictos do Concello, no Diario Oficial de Galicia, e en dous xornais dos de maior difusión na provincia. Durante o citado período, o expediente estará á disposición de calquera persoa que desexe examinalo co obxecto da presentación das alegacións que se estimen pertinentes.

c) Dar audiencia aos concellos limítrofes, simultaneamente e durante o mesmo prazo da información pública, e requirir ás administracións públicas competentes os seguintes informes sectoriais previstos pola lexislación sectorial do Estado e da Comunidade Autónoma de Galicia:

– Augas de Galicia.

– Dirección Xeral do Patrimonio Cultural.

– Deputación Provincial (sobre posibles afeccións á estrada AC-404).

Durante o prazo de dous meses, contado a partir do día seguinte ao da publicación deste anuncio no Diario Oficial de Galicia, os interesados poderán consultar o expediente no Servizo de Planeamento e Xestión e formular as alegacións que xulguen oportunas.

Santiago de Compostela, 3 de maio de 2012.

Ángel Currás Fernández
Alcalde