De conformidade co establecido no Decreto 206/2005, do 22 de xullo (DOG n.º 145, do 29 de xullo), de provisión de prazas de persoal estatutario do Servizo Galego de Saúde, e en virtude das competencias atribuídas polo Decreto 311/2009, do 28 de maio (DOG n.º 109, do 5 de xuño), polo que se establece a estrutura orgánica dos servizos centrais do Servizo Galego de Saúde, e na Orde do 15 de xuño de 2009 (DOG n.º 119, do 19 de xuño), modificada pola Orde do 28 de setembro de 2011 (DOG n.º 188, do 30 de setembro), sobre delegación de competencias en órganos centrais e periféricos do Servizo Galego de Saúde.

RESOLVE:

Anunciar a convocatoria para cubrir, polo procedemento de concurso de méritos, un posto de persoal licenciado sanitario, facultativo especialista en Pediatría.

As bases íntegras da citada convocatoria estarán expostas nos taboleiros de anuncios do hospital e na páxina web do Servizo Galego de Saúde (www.sergas.es).

As solicitudes e a documentación anexa que conteña a xustificación dos requisitos e méritos alegados deberán presentarse no rexistro do Hospital do Salnés, no prazo de quince (15) días hábiles contados desde o seguinte ao da publicación do anuncio desta convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Vilagarcía de Arousa, 15 de febreiro de 2012.

Bibiano Justo Fernández-Arruti López
Xerente executivo do Hospital do Salnés