DOG 105 do 4/06/2012 - RESOLUCIÓN do 29 de maio de 2012, da Xefatura Territorial da Coruña, pola que se anuncia o levantamento das actas previas á ocupación de bens e dereitos afectados por instalacións eléctricas que se citan, nos concellos de Porto do Son, A Pobra do Caramiñal e Ribeira. (Expediente IN407A 48/2011), dos predios 4 e 5 de Ribeira, segundo Acordo do Concello da Xunta do 4 de maio polo que se declara a prevalencia da utilidade pública dos devanditos predios.

VI. Anuncios

a) Administración autonómica

Consellería de Economía e Industria

RESOLUCIÓN do 29 de maio de 2012, da Xefatura Territorial da Coruña, pola que se anuncia o levantamento das actas previas á ocupación de bens e dereitos afectados por instalacións eléctricas que se citan, nos concellos de Porto do Son, A Pobra do Caramiñal e Ribeira. (Expediente IN407A 48/2011), dos predios 4 e 5 de Ribeira, segundo Acordo do Concello da Xunta do 4 de maio polo que se declara a prevalencia da utilidade pública dos devanditos predios.

Outorgada a declaración de utilidade pública que leva implícita a urxente ocupación dos bens e dereitos afectados polas instalacións da liña eléctrica de media tensión aerosubterránea a 20 kV, para a evacuación dos parques singulares do Barbanza, nos termos municipais da Pobra do Caramiñal, Porto do Son e Ribeira (expediente 48/2011), por resolución desta xefatura territorial con data do 25 de maio de 2011, a favor da entidade beneficiaria concellos de Porto do Son e A Pobra do Caramiñal, con enderezo na rúa Atalaia s/n, 15970 e rúa Gasset n.º 28, 15940 respectivamente.

Esta xefatura territorial acorda sinalar o día 26 de xuño de 2012, para o levantamento da acta previa á ocupación, de conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril de 1957, nas que se describirán os bens ou dereitos expropiables e de imposición de servidume de paso de enerxía eléctrica, dos predios n.º 4 e 5 no Concello de Ribeira contidas na relación de fincas, que se expón xunto con esta resolución no taboleiro de edictos do Concello de Ribeira, e que se someteu a información pública no DOG, BOP e no xornal El Correo Gallego de datas 11.3.2011 e 10.3.2011, respectivamente, acto ao que deberán concorrer os propietarios propostos do predio afectado, aos que se lles practicará notificación individual sinalándoselles os horarios de toma de datos sobre o terreo e do levantamento efectivo das actas nas oficinas da referida Casa do Concello.

Esta publicación realizarase igualmente para os efectos do artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ao Ministerio Fiscal as dilixencias que se produzan destes, de conformidade co artigo 5 da devandita Lei de expropiación forzosa.

A Coruña, 29 de maio de 2012.

Susana Vázquez Romero
Xefa territorial da Coruña